Almaniyada azərbaycanlı qarət edildi

Almaniyada özlərini polis kimi təqdim edən şəxslər yük maşınlarını saxlayaraq qarətlə məşğul olublar.

Teleqraf.com xəbər verir ki, onların qurbanlardan biri də Azərbaycan vətəndaşı olub.

Mayın 3-də saat 22 radələrində 50 yaşlı azərbaycanlıya polis geyimində bir şəxs yaxınlaşıb və ondan sənədlərini tələb edib. Saxta polis azərbaycanlının sənədlərini yoxladıqdan sonra maşında axtarışlar aparıb və 8,5 min avro pulunu götürüb.

Hazırda saxta polislərin yaxalanması üçün əməliyyat-istintaq tədbirləri həyata keçirilir.