“Bavariya” çempion oldu - Beşinci dəfə

Səfər oyununda “Volfsburq” komandasına 6:0 hesabı ilə qalib gələn Münxenin “Bavariya” futbol klubu dalbadal beşinci dəfə Almaniya çempionu titulunu qazanıb.

Teleqraf.com xəbər verir ki, Almaniya bundesliqasının başa çatmasına üç tur qalmış 73 xal toplayan münxenlilər rəqibləri üçün əlçatmaz olub. İkinci yerdə gedən “Leypsiq” klubunun 63 xalı var.

Beləliklə, “Bavariya” ümumilikdə 27 dəfə Almaniya çempionu titulunu əldə edib. Bu, turnirin rekordudur.