"Ronaldo və Messi fərqli futbolçulardır"

İngiltərənin "Liverpul" klubunun hücumçusu Luis Suarez dünyanın ən güclü 2 futbolçusunu müqayisə edib.

Teleqraf.com xəbər verir ki, uruqvaylı futbolçu Messi və Ronaldonun fərqli oyun üslublarında oynadığından hansının daha güclü olması barədə qərar verə bilmədiyini deyib:

"Onlar çox fərqli futbolçulardır. Ona görə də hansının daha yaxşı olduğunu söyləyə bilmərəm. Messinin texnikası güclüdür. Ronaldo isə meydanda həm ağlı, həm də gücü ilə hərəkət edən, hər şeyə sahib oyunçudur".