“Forbes” növbəti dəfə dünyanın ən yüksək ödənişli idmançılarının siyahısını açıqlayıb.
Tərtib olunan reytinqə Floyd Meyvezer liderlik edir. Amerikalı boksçu son 12 ay ərzində 105 milyon dollar qazanıb. Portuqaliyalı futbolçu Ronaldo 80 milyon dollarlıq qazancla ikinci, basketbolçu Lebron Ceyms isə 72,3 milyon dollarlıq gəlirlə 3-cü pillədə yer alıb.
Ən yüksək ödənişli qadınların siyahısına isə rusyanın cazibədar tennisçi Mariya Şarapova başçılıq edir. Rusiyalı idmançı 1 il ərzində 24,4 milyon ABŞ dolları qazanıb. İkinci yerdə digər raketka ustası Li Na qərarlaşıb. Çinli tennisçinin qazancı 23,6 milyon dollara bərabər olub. Son bir il ərzində şəxsi büdcəsini 22 milyon artıran Serena Uilyams isə 3-cü pillədə yer alıb.
Floyd Meyvezer (boks) - 105 milyon dollar
Kriştiarno Ronaldo (futbol) - 80 milyon dollar
Lebron Ceyms (basketbol) - 72,3 milyon dollar
Lionel Messi (futbol) - 64,7 milyon dollar
Kobe Brayant (basketbol) - 61,5 milyon dollar
Tayger Vuds (qolf) - 61,2 milyon dollar
Rodjer Federer (tennis) - 56,2 milyon dollar
Fil Mikelson (qolf) - 53,2 milyon dollar
Rafael Nadal (tennis) - 44,5 milyon dollar
Mett Rayan (Amerika futbolu) - 43,8 milyon dollar
Aygün İlqarqızı