Olimpiya çempionumuz Fransaya niyə gedir?

Cüdo üzrə qadınlardan və kişilərdən ibarət milli komandamız yarışa hazırlaşır. Aprelin 24-27-də şəxsi və komanda üzrə Avropa çempionatı baş tutacaq. Yarış Fransanın Monpelye şəhərində baş tutacaq. İdmaçılarımız Gənclər və İdman Nazrliyi və Federasiya rəhbərliyi ilə yarışa gedəcəklər.

Azərbaycan cüdo federasiyasının vitse-prezidenti, olimpiya çempionu Elnur Məmmədov da idmançılarla birlikdə Fransaya gedəcək. Keçmiş idmançı özü bu barədə Teleqraf.com-a məlumata verib:

“Fransada keçiriləcək Avropa çempionatına hazırlaşırıq. İnanıram ki, yaxşı nailiyyətlərimiz olacaq. Mən də idmançılarla birlikdə gedəcəm.

Bildirim ki, yığmamızın baş məşqçisi Hacıağa Hacıəhmədovun gəlişindən sonra nailiyyətlərimiz yaxşılaşıb”.

Aygün İlqarqızı