Çanaqqalada 4 mərtəbəli evi olan Həsən Yavuz mənzillərini kirayəyə verməmişdən əvvəl şərt qoşur və özü üçün önəmli olan bir sual verir.
Teleqraf.com-un məlumatına görə, sahibkar bu günə qədər 3 mənzilini kirayə verib. O, mətbuata açıqlamasdında kirəkeşlərinin hamısının “Fənər” azarkeşləri olduğunu deyib:
"Bəzən kirayəçilərimi dəyişirəm. Bunun səbəbi də “Fənərbaxça”lı olmağımdır".
Maraqlıdır ki, Həsən Yavuz evini kirayəyə götürməyə gələnlərə ilk sualı - “Hansı komandanın tərəfdarısan?" olur:
“Buna təəcüblənənlər də olur. Mənə, “Niyə öncə komanda soruşursan?” deyirlər. Mənim üçün “Fənərbaxça” sevgisi puldan öncəl gəlir” – deyə mənzil sahibi bildirib.
Qeyd edək ki, H.Yavuz “Fənərbaxça” sevgisi üzündən 5 il əvvəl evinin hamısını sarı və göy rənglərə boyayıb. Bu il isə çempionluğun ardından binasına böyük “Fənərbaxça” bayrağı asıb.
Aygün İlqarqızı