15 May 2017 17:39
1 346
12 Punto 14 Punto 16 Punto 18 Punto

"Hazırda dünya yol ayrıcına çatıb. Bir yol çox sürətli iqtisadi inkişafa, digər yol isə durğunluq, qeyri-sabitlik və xaosa aparacaq". "Report" "Vesti" saytına istinadən xəbər verir ki, bu açıqlamanı ABŞ-ın eks-prezidenti Barak Obamanın iqtisadi müşaviri, məşhur biznesmen, bir sıra kitabın müəllifi, "Allianz" sığorta şirkəti kimi bir sıra böyük şirkətlərin iqtisadi məsləhətçisi olan Məhəmməd əl-Ərian verib.

Əl-Ərian yaxın 2 ildə iqtisadi böhranın başlaya biləcəyini bildirib: "Hazırda biz pauza mərhələsindəyik. Tədricən maliyyə bazarları "Brexit", Donald Trampın prezidentliyi kimi hadisələri daha düzgün qiymətləndirməyə başlayacaq", - deyə iqtisadçı qeyd edib. Əl-Ərian son illərdə yaşanan zəif iqtisadi artımın zənginlik, gəlir və imkanların bölüşdürülməsində qeyri-bərabərlik yaratdığını xatırladıb. Gənclər arasında işsizliyin artması isə ən təhlükəli məqam kimi ortaya çıxır.

İqtisadçının fikrincə, mərkəzi banklar süni şəkildə maliyyə bazarlarına dəstək verərək böhranı önləyə bilib. Lakin bu, çox uzun çəkə bilməz. Süni maliyyə sabitliyi kəskin volatilliklə əvəz oluna bilər. Bunun önlənməsi üçün isə birbaşa investisiyalar artmalı, vergilər azaldılmalı, yüksək borc yükü olan ölkələrin problemləri həll edilməli, nəhayət, qlobal idarəetmə sistemində islahatlar həyata keçirilməlidir.


Müəllif: