“Qazprom” Azərbaycana qaz nəqlini bərpa etdi

“Qazprom eksport” ilə Azərbaycan Dövlət Neft Şirkəti (SOCAR) arasında qaz nəqlinin bərpası ilə bağlı razılıq əldə edilib.

Teleqraf.com xarici mediaya istinadla xəbər verir ki, müqavilə noyabrın 21-də imzalanıb.

Bu gündən qazın nəqli bərpa edilib.
Razılaşmaya əsasən, Azərbaycana 1,6 milyard kub rus qazı idxal ediləcək. “Qazprom eksport”un baş direktoru Yelena Burmistrova məsələ ilə bağlı bunları deyib:

“Rusiya ilə Azərbaycan arasında qaz idxalı sahəsində geniş əməkdaşlıq potensialı var. Qeyd etmək xoşdur ki, bu münasibətlər uğurla inkişaf edir və yeni səviyyəyə çıxır”.