"Coca-Cola"nın gəlirlər 2 dəfədən çox azalıb

Amerikanın “Coca-Cola” şirkətinin xalis mənfəəti 2014-cü ilin oktyabr-dekabr ayları ərzində 55% azalıb.

“APA-Economics”in məlumatına görə, 2013-cü ilin oktyabr-dekabr ayları ərzində şirkətin xalis mənfəəti 1,708 mlrd. dollar təşkil etdiyi halda, ötən ilin analoji dövründə bu göstərici 771 mln. dollar olub.

Ümumilikdə, ötən il şirkətin xalis mənfəəti 17% və ya 1,45 mlrd. dollar azalaraq 7,098 mlrd. dollar təşkil edib.