Erməni hücumuna məruz qalan məşhur azərbaycanlı müğənni: “Eurovision” ərəfəsində...

“Eurovision 2011”-in qalibi Eldar Qasımovun instaqram səhifəsi erməni hakerlərinin hücumuna məruz qalıb. Səhifədə erməni terrorçusu Monte Melkonyanın fotosu və Ermənistan bayrağı paylaşılaraq “Yaşasın Ermənistan” şüarı qeyd olunub.

Eldar Qasımov məsələ ilə bağlı Teleqraf.com-a açıqlama verib. O, instaqram səhifəsinin ermənilər tərəfindən oğurlandığını deyib: "Buna görə bütün izləyicilərimdən üzr istəyirəm. İnstaqram izləyicilərimdən xahiş edirəm ki, şikayət edib səhifəmin bağlanmasında yardımçı olsunlar. Komandam instaqrama bütün məlumatlatları göndərib”.

Eldar Qasımov ermənilərin hədəfinə çevrilməsinə belə münasibət bildirib: “Məşhur müğənniyəm və “Eurovision” qalibiyəm. Elə onlar da növbəti “Eurovision” ərəfəsində belə bir təxribata əl atdılar”.

Rəqsanə