Hollivud ulduzundan yeni aksiya - Donuzlardan sonra...

Leonardo Dikaprio təkcə Hollivudun ən sevilən aktyoru kimi deyil, həm də heyvanların və okeanların müdafiəçisi kimi də tanınır.

Məşhur Hollivud aktyoru Leonardo Dikaprio instaqram izləyicilərini özünün “Dicaprio Foundation” müdafiə fondu və “Represent” şirkətinin dünya okeanlarında fauna və floranın qorunması ilə bağlı keçirdiyi aksiyaya qoşulmağa dəvət edib.

Teleqraf.com xarici mediaya istinadla xəbər verir ki, o, fanatlarına məhdud sayda olan futbol köynəkləri almağa çağırıb.

Bu köynəklərdən yığılan pullar okeanların çirklənmədən qorunmasına xərclənəcək. Bir köynəyin qiyməti 29 dollardır.

Qeyd edək ki, əvvəllər Leonardo Dikaprio Meksikanın prezidenti Enriki Nyeto və Meksikalı milyarder Karlos Slimlə azalmaqda olan dəniz donuzlarının xilası üçün müqavilə imzalamışdı.