Sayəsində 340 nikah bağlandı: Esra Erol göz yaşları içində...

Türkiyənin ATV telekanalında 8 ildir yayımlanan “Esra Erolla” evlənmə proqramı dünən tamaşaçıları ilə vidalaşıb.

Teleqraf.com xəbər verir ki, vidalaşmadan öncə Esra bir-bir iştirakçılarla halallaşıb, daha sonra bir süjet təqdim edib.

2009-cu ildən, yəni proqram efirə çıxan ilk gündən bu yana baş verən ən maraqlı hadisələr - Esra Erolun özünün ailə qurması, 2 dəfə ana olması, iştirakçılarla göz yaşı və təbəssümlə müşayiət olunan davranışları barədə yayımlanıb.

Daha sonra məşhur aparıcının bacısı və bacısının əri Alişan ona təşəkkür video-ismarışlarını yollayıblar. Sonda Esra bütün proqramın heyətini səhnəyə dəvət edib. Əməkdaşların söylədikləri xoş sözlər aparıcını göz yaşlarına boğub.

10 ilə yaxın fəaliyyət göstərən bu proqramda indiyə qədər 340 nikah bağlanıb.