17 Mart 2015 13:41

Hollivudun məşhur aktyorlarından olan DiKaprio rəsm əsərləri kolleksiyasını daha da böyüdüb.

Teleqraf.com Rusiya mətbuatına sitinadən xəbər verir ki, Leonardo DiKaprionun son əldə etdiyi əsərlərdən biri Poulsen “Instagram” qalereyasından rəssam Jan-Pyer Royun “Miras” rəsmi olub.

Bu barədə qalereyanın əməkdaşı bildirib: “Leonardo əsəri “Instagram”da görüb və onu telefonla alıb”

Martın əvvəlində Leonardo 1973-cü il amerikalı rəssam Frenk Stelllanın rəsm abstraksiyası işini, 2013-cü ilin may ayında Takasi Murakaminin əsərini, daha əvvəl isə Jan-Mişel Baskiyanın, Ed Ruşeyin işlərini alıb.

“Endi Uorhol, Jan-Mişel Baskiya, Françesko Klemente və Culian Şnabel - bu rəssamlar 80-ci illərdə Nyu-Yorkda çox populyar idi, o zamanlar mən yeni-yeni incəsənəti anlamağa başlayırdım. Onlar mənim qəhrəmanlarım idi və mən hələ də Baskiyanın böyük pərəstişkarıyam”, - deyə DiKaprio “Wall Street Journal”a müsahibəsində bildirib.

Qeyd edək ki, aktyor 1996-cı ildən incəsənət kolleksioneri olaraq tanınmağa başlayıb.

Rüstəm


Müəllif: