İntihar etmək istəyən qadını siqaretlə qurtardılar - Foto

Türkiyənin Kahramanmaraş şəhərində beş mərtəbəli binanın damından özünü atmaq istəyən qadını fikrindən daşındırmaq üçün edilən cəhdlər nəticə verməyincə xilasedicilər başqa varianta əl atmalı olublar.

Teleqraf.com xarici KİV-ə istinadən xəbər verir ki, məişət münaqişəsi zəmnində özünə qəsd etmək istəyən Songül K-nı xilas etmək üçün əraziyə polis, həkim, psixoloq və digər sahələrdən olan xilasedicilər cəlb ediliblər.

Xilasedicilərdən biri qadını tutmaq üçün onun başını müxtəlif söhbətlərlə qatmaq istəyib. Songül K-nın siqaret aludəçisi olduğunu bilən kişi ona papiros təklif edib. Qadın siqareti almaq istəyərkən xilasedici onu tutaraq aşağıya endirib.

Songül K həkim müayinəsindən keçmək üçün xəstəxanaya aparılıb.