12 Avqust 01:48
231

Beynəlxalq alimlər qrupu tərəfindən Yer kürəsindən 12 işıq ili məsafəsində yerləşən Tau Kita ulduz birləşməsi ətrafında Yerə bənzər dörd planetin dövr etdiyi aşkarlanıb.

AMEA-dan Teleqraf.com-a verilən məlumata görə, planetlərin çəkisi Yerin 1,7-si qədərdir. Buna görə də planetlər Günəşə bənzər ulduzların ətrafında aşkarlanan ən kiçik göy cisimləri hesab edilir. Bu cür zəif siqnalların qeydiyyatını aparmaq məlumatlarda küyü minimuma endirən yeni texnologiyaların istifadəsi ilə mümkün olub.

Lenta. ru saytının məlumatına görə, obyektlərin dördü də qayalıqdan ibarətdir. Tau Kita ulduz birləşməsindən ən uzaq məsafədə yerləşən iki planet potensial olaraq həyat üçün yararlı hesab edilib. Alimlər guman edirlər ki, planetlər daima kometa və asteroid "yağışına" məruz qalırlar.


Müəllif: Teleqraf.com