24 Yanvar 2018 00:52
976
12 Punto 14 Punto 16 Punto 18 Punto

Türkiyə prezidenti Rəcəb Tayyip Ərdoğanın rusiyalı həmkarı Vladimir Putinlə telefon danışığı olub.

Teleqraf.com xəbər verir ki, prezidentlər Türkiyə ordusunun Suriyanın Afrin bölgəsindəki əməliyyatını və Soçidə 29-30 tarixlərində Suriya üzrə milli dialoq konqresinə hazırlıq işlərini müzakirə ediblər.

Ərdoğan əməliyyatın Türkiyənin milli təhlükəsizliyinin təmin olunmasına və Afrinin PYD, YPG və İŞİD terror qruplaşmalarından azad edilməsinə yönəldiyini bildirib. Prezident əməliyyatın Suriyanın siyasi vahidlik və ərazi bütövlüyünə töhfə vermək nöqteyi-nəzərdən əhəmiyyətini vurğulayıb. Ərdoğan Rusiya ilə Suriyaya dair əməkdaşlığa və əlaqələndirməyə böyük əhəmiyyət verdiyini qeyd edib. Liderlər Soçidə Suriyada siyasi nizamlanmaya yol aça biləcək milli dialoq konqresinin keçirilməsi üçün birgə səy göstərməyi davam etdirməyə hazır olduqlarını vurğulayıblar.


Müəllif: Teleqraf.com