18 May 13:00

Avropada müəyyən dairələr var və onlar müxtəlif vasitələrlə ölkəmizə təsir etməyə çalışır.

Teleqraf.com xəbər verir ki, bu fikirləri parlamentdə çıxışı zamanı Azərbaycanın AŞPA-dakı nümayəndə heyətinin üzvü, professor Sahibə Qafarova deyib.

S.Qafarova əlavə edib ki, Avropa strukturunda bəlli dairələr Azərbaycanın imicini ləkələmək üçün şər-böhtana üstünlük verir:

“Biz, bu münasibəti AŞPA-da da görürük. Bir neçə gün əvvəl AŞPA-da bir neçə çəxsə, o cümlədən Səməd Seyidova qarşı qərar qəbul edilib. Bu, tamamilə siyasi qərardır və demokratik prinsipləri pozmaqla yanaşı, AŞPA-nın öz missiyasına ziddir”.

Professorun fikrincə, bu qərar AŞPA-da çirkin məqsədlərə nail olmaq istəyən siyasətçilərin olduğundan xəbər verir:
“Biz bunun dəfələrlə şahidi olmuşuq. Onlar Dağlıq Qarabağ məsələsində Azərbaycanın haqq səsini dəstəkləyən insanlara qarşı da belə addımlar atır. Biz bu qərarla razı deyilik və onu ədalətsiz hesab edirik”.


Müəllif: Teleqraf.com
Загрузка...