Nazir otellərdə tələb olunan nikah kağızından danışdı - Video

Mədəniyyət və turizm naziri Əbülfəs Qarayev ANS-ə müsahibə verib.

Nazir digər suallarla yanaşı otellərdə nikah kağızının tələb olunması ilə bağlı sualı da cavablandırıb.

Əbülfəs Qarayevin Azərbaycan cəmiyyətində ciddi müzakirələrə yol açan bu mövzu haqqındakı fikirlərini təqdim edirik: “Qanunvericilikdə belə bir şey yoxdur. Mən ümumiyyətlə istəməzdim ki, Azərbaycanın mehmanxanaları hər hansı bir formada əxlaqsızlıq yuvalarına çevrilsinlər. Bu, bizim mədəniyyətimizə, milli dəyərlərimizə cavab vermir. Qanunvericilik heç kəsdən tələb etmir ki, hər hansı nikah kağızı, hansısa izahat verilməlidir. Hesab edirəm ki, əgər insan öz pasportunu təqdim edərək öz otağında yaşayırsa, onun yanına gələn qonaqların haqqında soruşmağa dəyməz”.