14 azərbaycanlı uşaq əcnəbilərə verildi

Ötən il 773 nəfər övladlığa götürülmə faktı qeydə alınıb.

Teleqraf.com xəbər verir ki, bu barədə Statistika Komitəsinin illik bülletenində qeyd edilib.

Övladlığa götürülən uşaqlardan 14-ü əcnəbilər və ya vətəndaşlığı olmayan şəxslər tərəfindən himayə edilib. 63 uşağın isə övladlığa götürülməsi barədə qərarları ləğv edilib.

Məlumatada qeyd edilib ki, övladlığa verilən uşaqlardan 371 nəfəri qız olub.

1 yaşa qədər övladlığa götürülmüş 167 uşaqdan 2 nəfəri əcnəbi və vətəndaşlığı olmayan şəxslər tərəfindən himayə edilib. Uşaqlardan 90 nəfəri qızdır.

Qərarları ləğv edilmiş 2 uşağın yaşı 1 yaşa qədərdir. 1-5 yaşlı övladlığa götürülmüş 344 uşaqdan 4-ü əcnəbi və vətəndaşlığı olmayan şəxslərə verilib. 1-5 yaşda övladlığa götürülməsi barədə qərarları ləğv edilmiş uşaqların sayı 8-dir.

6-10 yaşlı uşaqlardan 152 nəfəri övladlığa götürülüb. Onlardan 4 uşaq əcnəbi və ya vətəndaşlığı olmayan şəxslər tərəfindən himayə edilib. 6-10 yaşda övladlığa götürülməsi barədə qərarları ləğv edilmiş uşaqların sayı 8-dir.

110 uşaq 11-17 yaşda övladlığa verilib. Onlardan 4 nəfəri əcnəbi və vətəndaşlığı olmayan şəxslər tərəfindən himayə edilib. 11-17 yaşda övladlığa götürülməsi barədə qərarları ləğv edilmiş uşaqların sayı 42-dir.

İlhamə ƏBÜLFƏT