Teleqraf.com “ICTnews”a istinadən xəbər verir ki, hücum, əsasən feysbuk istifadəçilərinə, həmçinin “Apple iCloud”, “Comcast”, “Craigslist” və “OfferUp” xidmətlərinə hədəflənib.
Yeni metod ona əsaslanır ki, mobil brauzerlər ünvan sətrində linki tam göstərmirlər. Hakerlər bundan istifadə edərək URL ünvana defis və altdomenlər əlavə edirlər ki, mobil qurğuda link həqiqi kimi görünsün.
Ekspertlərin sözlərinə görə, bu hücum istifadəçilərin diqqətsizliyi halında həyata keçir. “PhishLabs” şirkətinin mütəxəssisi Kreyn Hessold izah edib ki, linklər əsasən SMS mesajlar vasitəsi ilə göndərilir. Bəzi mobil brauzer və messencerlər linkə tam baxmağa imkan verdiyi halda əksər SMS proqramlarında bu funksiya yoxdur.