Suda batan 83 nəfər xilas edildi

2017-ci ilin əvvəlindən bu günə kimi xilasetmə avadanlıqları ilə təchiz olunmuş çimərliklərdə 83 nəfər suda boğulmaq təhlükəsi ilə üzləşib.

Bunu Teleqraf.com-a açıqlamasında Fövqəladə Hallar Nazirliyi Kiçikhəcmli Gəmilərə Nəzarət və Sularda Xilasetmə Dövlət Xidmətinin Xilasetmə və dalğıc işləri şöbəsinin müdiri Elsevər Həsənov deyib.

Onun sözlərinə görə, suda boğulmaq təhlükəsi ilə üzləşənlərdən 65 nəfəri xilasetmə avadanlıqları ilə təchiz olunmuş çimərliklərdə xilas edilib: “18 nəfər isə qeyri-çimərlik su hövzələrində xilas edilib”.

Elsevər Həsənov qeyd edib ki, statistika günü-gündən artır: “Vətəndaşlara küləkli havada dənizə girməmək üçün xəbərdarlıq edilsə də, bəziləriləri buna əhəmiyyət vermirlər”.