Prokurorluq “Turan” barədə açıqlama yaydı

Baş Prokurorluq “Turan” İnformasiya Agentliyində aparılan yoxlamalarla açıqlama yayıb.

Baş Prokurorluqdan Teleqraf.com-a verilən məlumata görə, “Turan” İnformasiya Agentliyində aparılan yoxlamalarla bağlı bəzi kütləvi informasiya vasitələrində yayılmış informasiyalar həqiqəti əks etdirmir.

Hazırda Vergilər Nazirliyinin Vergi Cinayətlərinin İbtidai Araşdırılması Departamentinin İstintaq idarəsində cinayət işinin istintaqı davam etdirilir və nəticəsi barədə əlavə məlumat veriləcəkdir.

“Turan” İnformasiya Agentliyi barədə hər hansı məhdudiyyət tədbirləri keçirilmir.