22 Noyabr 2017 10:41
393
12 Punto 14 Punto 16 Punto 18 Punto

Ölkəmizdə səfərdə olan Birləşmiş Ərəb Əmirlikləri (BƏƏ) Milli Müdafiə Kollecinin nümayəndə heyətinin rəhbəri briqada generalı Salim Əl-Şamsi Azərbaycan Respublikası Silahlı Qüvvələrinin Hərbi Akademiyasında olub.

Teleqraf.com Müdafiə Nazirliyinə istinadən xəbər verir ki, Nümayədə heyəti akademiyada ulu öndər Heydər Əliyevin xatirəsinə yaradılmış guşə ilə tanış olduqdan sonra hərbi təhsil sahəsində ikitərəfli əməkdaşlıq imkanları müzakirə edilib.

Qonaqlara “Azərbaycan Respublikası Silahlı Qüvvələrinin Hərbi Akademiyası”, “Müdafiə Nazirliyinin Beynəlxalq Hərbi Əməkdaşlıq fəaliyyəti” və “Azərbaycan Respublikasının müdafiə və təhlükəsizlik siyasəti, onun prioritetləri” haqqında brifinqlər təqdim olunub.

Sonda briqada generalı Silahlı Qüvvələrin Hərbi Akademiyasının xatirə kitabına ürək sözlərini yazıb.


Müəllif: Teleqraf.com