Bütün şagirdlər yüksək bal topladı - Nümunəvi məktəb

İsmayıllı rayonunda bir sinfin şagirdləri qəbul imtahanlarında yüksək nəticə göstəriblər.

Natiq Behbudov adına İsmayıllı şəhər 6 nömrəli tam orta məktəbin 11 A sinfinin şagirdləri ali məktəblərə I və IV ixtisas qrupları üzrə keçirilən qəbul imtahanında yüksək nəticələr əldə ediblər. Həmin sinifdə 25 şagirddən 23-ü imtahanda iştirak edib. Onlardan 1-i 700 bal, digərlər şagirdlərdən 5-i 600-dən, 4-ü isə 500-dən yuxarı bal yığıb. Qalan şagirdlər isə 300-400 arası bal toplayıblar.

Şagirdlər deyirlər ki, onlar bir-biri ilə rəqabət apararaq, 700 bal toplamaq üçün bütün fənlərə yüksək səviyyədə hazırlaşıblar.

Həm sinif rəhbəri, həm məktəb rəhbərliyi, həm də digər müəllimlər şagirdləri hazırlayarkən onlara əllərindən gələn bütün köməyi göstəriblər.