18 Fevral 2015 08:34
856
12 Punto 14 Punto 16 Punto 18 Punto

Gürcüstanda müsəlman qadınların həyatından bəhs edən yeni sayt fəaliyyətə başlayıb.

APA-nın Gürcüstan bürosunun məlumatına görə, bu barədə Gürcüstan Müsəlmanları İdarəsinin şeyxi Ramin İgidov məlumat verib. Onun sözlərinə görə, www.aile.ge saytı GMİ-nin təşəbbüsü ilə bu günlərdə yaranan “Müsəlman Qadınlar İcması”nın internet saytıdır.

"Adından məlum olduğu kimi bu sayt ailə mədəniyyəti, övlad tərbiyyəsi və qadın hüquqları ilə bağlı yazıları ilə seçiləcək", deyə R. İgidov qeyd edib.

R. İgidov bildirib ki, aile.ge saytı “Müsəlman Qadınlar İcması”nın rəhbərliyi ilə fəaliyyət göstərəcək: "Bu saytda Gürcüstanın müsəlman xanımlarının ölkədə və dünyada ailə zəminində yaşanan, qarşıya çıxan sosial problemləri və onların həlli yolları, zərif cinslə bağlı tədbir və seminarlar, evdarlıq məsləhətləri və, bir sözlə, qadın və ailə mövzusunda gənc yazarların yazıları yer alacaq".


Müəllif: