Zığ-Hövsan avtomobil yolunun artıq uzun müddətdir ki, əsaslı təmirə ehtiyacı var. Bəzi hissələr ağır maşınların təsirindən dağılıb. Hazırda Zığ-Hövsan yolunun uzunluğu 7,3 km-dir. Eni isə 8 metrdir.
Oxu.Az Milli.az-a istinadən xəbər verir ki, “Azəryolservis” ASC-dən bildirilənə görə, bu yolda əsaslı təmir həyata keçiriləcək. Hazırda 2 olan hərəkət zolaqlarının sayı 4-ə çatdırılacaq.
Yolda çoxlu sayda yaşayış və qeyri-yaşayış binaları var, ərazidən kommunikasiya xətləri keçir. Təmirə başlamazdan öncə həmin problemlər aradan qaldırılmalıdır.
Hazırda müvafiq strukturlarla danışıqlar gedir. Bu səbəbdən təmir işlərinin başlanacağı tarix hələ ki, bilinmir.