2 İyul 2015 11:36
1 377
12 Punto 14 Punto 16 Punto 18 Punto

Rusiya mediası Azərbaycanın birinci xanımı Mehriban Əliyevadan yazıb.

Teleqraf.com “woman.ru” saytının hazırladığı materialı təqdim edir:

“51 yaşlı Mehriban Əliyevanı, şübhəsiz, dünyanın ən gözəl və dəblə geyinən birinci xanımı adlandırmaq olar. Doğma vətənində və onun hüdudlarından kənarda prezidentin xanımını stil ikonu hesab edirlər. Hətta bəzən xarici nümayəndə heyətlərinin üzvləri, jurnalistlər onu qızları ilə səhv salırlar.

Azərbaycan prezidenti İlham Əliyevin xanımı Mehriban Əliyeva çox nadir hallarda dəb jurnallarının səhifəsindən düşür. Stil ikonu olan bu xanımın üzərində, görünür, vaxt öz hökmünü verə bilmir. Mehriban Əliyevaya baxdıqda onun iki yetkin qızının, 18 yaşlı oğlunun və hətta nəvələrinin olduğuna inanmaq çətindir.

ABŞ-ın keçmiş vitse-prezidenti Dik Çeynin Bakı səfəri zamanı Amerika xüsusi xidmət orqanlarının əməkdaşları yanaşı dayanan üç gözəldən – Mehriban, Leyla (29 yaş) və Arzu (28 yaş) – hansının ölkə başçısının xanımı olduğunu ayırd etməkdə çətinlik çəkmişdilər.

Mehriban Əliyeva ölkəsi üçün çox işlər görür, həyat yoldaşını bütün səfərlərdə, rəsmi görüşlərdə müşayiət edir.

O hətta bir neçə gün əvvəl başa çatan “Bakı-2015” İlk Avropa Oyunları Təşkilat Komitəsinin sədri olub. Azərbaycanın birinci xanımı tərəfindən toplanmış şəkillər, art-obyektlər paytaxtda yerləşən Müasir İncəsənət Muzeyində yığılıb.

Bizim fotoqalereyamızda isə təkcə Mehriban Əliyeva və onun stilini əks etdirən şəkillər deyil, Azərbaycanın hakim ailəsinin fotoları yer alıb”.


Müəllif: