Evdən 1300 manat oğurlandı

Bakının Nərimanov rayonunda evdən oğurluq hadisəsi baş verib. Daxili İşlər Nazirliyinin mətbuat xidmətindən Teleqraf.com-a verilən məlumata görə, oğurluq hadisəsi iyulun 13-də qeydə alınıb.

Bakı şəhər sakini İbrahim Məmmədovun evindən 1300 manat pul oğurlanıb. O, evindən oğurluq edilməsi ilə bağlı polisə şikayət edib.

Nərimanov Rayon Polis İdarəsinin əməkdaşları tərəfindən cinayəti törədən Bakı şəhər sakini Aqil Qələndərov tutulub.

Hacı Zeynalov