26 İyul 2016 18:25

Bu gün Bakı Ağır Cinayətlər Məhkəməsində həbsdə olan ilahiyyatçı, Qafqaz Müsəlmanları İdarəsinin sektor müdiri işləmiş Elşən Mustafaoğlu barəsində olan cinayət işi üzrə məhkəmə prosesi keçirilib.

Teleqraf.com xəbər verir ki, hakim Səbuhi Hüseynovun sədrliyi ilə keçirilən qapalı məhkəmə iclasında Elşən Mustafaoğlu ifadə verib. O, daha sonra dövlət ittihamçısının suallarını cavablandırıb.

Məhkəmə iclası avqustun 2-də davam edəcək.

Elşən Mustafaoğlu Cinayət Məcəlləsinin 274-cü (dövlətə xəyanət) maddəsi ilə ittiham olunur. O, 2014-cü ildə Milli Təhlükəsizlik Nazirliyinin əməkdaşları tərəfindən həbs olunub.

Hacı Zeynalov


Müəllif:
Загрузка...