58 yaşlı qadını öldürən sürücü həbs edildi

Bakının Xəzər rayonunda ölümlə nəticələnən yol-nəqliyyat hadisəsi baş verib.

Teleqraf.com xəbər verir ki, hadisə Mərdəkan qəsəbəsində qeydə alınıb.

Yolu keçmək istəyən 58 yaşlı Ulduz Məmmədova “Vaz 21015” markalı avtomobillə vurulub. Hadisəni törədən sürücü Kərim Abdulov daha sonra yaralını avtomobilinə qoyaraq xəstəxanaya aparıb. Həkimlər müayinə zamanı Ulduz Məmmədovanın ölməsini müəyyən ediblər.

Kərim Abdulov polis tərəfindən saxlanılıb. Avtomobil isə cərimə meydançasına yerləşdirilib.
Faktla bağlı cinayət işi başlanıb.

Hacı Zeynalov