Masallıda baş verən qəzada iki hərbiçi yaralandı

Masallı rayonununda ağır yol nəqliyyat hadisəsi baş verib.

Masallı rayon Polis Şöbəsindən Teleqraf.com-a verilən məlumata görə, hadisə Ələt-Astara yolunun 164 km-də, Masallı rayonu ərazisində qeydə alınıb.

Dövlət Sərhəd Xidmətinin hərbi qulluqçusu, gizir Allahverdi Qəhrəmanovun idarə etdiyi “Mitsubishi Pajero” markalı avtomobillə qəza törədib. O, qarşıdan gələn avtomobillə toqquşub.

Nəticədə Allahverdi Qəhrəmanov və onun sərnişini, Dövlət Sərhəd Xidmətinin zabiti, leytenant Malik Hüseynov xəsarət alıblar. Onlar xəstəxanaya yerləşdiriliblər.

Faktla bağlı araşdırma aparılır.

Hacı Zeynalov