Şahin Sultanovun həbs müddəti uzadıldı

Hərbi Dəniz Qüvvələrinin (HDQ) keçmiş komandanı, vitse-admiral Şahin Sultanov barəsində seçilmiş həbs qətimkan tədbirinin müddəti uzadıldı. Bu bardə Bakı Hərbi Məhkəməsinin sədri Həbib Həsənov məlumat verib.

Onun sözlərinə görə, hakim Müslüm Əliyevin sədrliyi ilə keçirilən iclasda Ş.Sultanovun həbs müddəti 3 ay uzadılıb.

Xatırladaq ki, bu il aprelin 23-də Bakı Hərbi Məhkəməsində Ş.Sultanov barəsində 3 ay müddətinə həbs-qətimkan tədbiri seçilib.

Vitse-admirala Cinayət Məcəlləsinin 313-cü (vəzifə saxtakarlığı) və 179.3.2-cü (mənimsəmə - külli miqdarda törədildikdə) maddələri ilə ittiham elan olunub.

/publika.az/