Arvadını bıçaqlayan azadlığa çıxdı

Arvadını bıçaqlayan şəxs azadlığa çıxıb.

Teleqraf.com xəbər verir ki, Bakı Ağır Cinayətlər Məhkəməsində arvadını bıçaqlamaqda təqsirləndirilən İlham Məşədiyevin cinayət işi üzrə məhkəmə prosesi yekunlaşıb.

Hakim Şəkər Məmmədovanın icraatında olan prosesdə hökm oxunub.

Məhkəmə kollegiyasının hökmü ilə İlham Məşədiyevə şərti cəza verilib və o, məhkəmə zalından azadlığa buraxılıb.

İlham Məşədiyevin həyat yoldaşı Şəriyyə öz işində olan problemlərini ona danışıb, İlham Məşədiyev isə "bəsdir, bezdirdin məni" deyərək əsəbləşib. Əlində bıçaqla onu itələyib və təsadüf nəticəsində bıçaq ona dəyib.

Məhkəmədə ər və arvad barışıblar.