23 Sentyabr 2017 20:37
1 176
12 Punto 14 Punto 16 Punto 18 Punto

Bakıda cinayət yolu ilə əldə edilmiş pul vəsaitlərini və ya digər əmlakı leqallaşdırmaqda təqsirləndirilən Malik Əliyev və Vüqar Osmanov barəsində hökmdən apelyasiya şikayəti verib.

Teleqraf.com-un əldə etdiyi məlumata görə, şikayət araşdırılması üçün Bakı Apelyasiya Məhkəməsinə göndərilib.

İş hakim Rizvan Səfərovun icraatına verilib. Məhkəmənin ilkin baxış iclası sentyabrın 27-nə təyin edilib.

Bakı Ağır Cinayətlər Məhkəməsinin hökmü ilə Malik Əliyev 10 il, Vüqar Osmanov isə 11 il müddətinə azadlıqdan məhrum edilib.

Hökmdən narazı qalan təqsirləndirilən şəxslər apelyasiya şikayəti verərək barələrində bəraət hökmünün çıxarılmasını istəyirlər.

İttihama görə, Malik Əliyev və Vüqar Osmanov Bakıda pul köçürmələri ilə məşğul olaraq, cinayət yolu ilə əldə olunmuş 1 milyard 700 milyon manat məbləğində pulu saxta müqavilələr əsasında fəaliyyətdə olan xarici şirkətlərin hesabına köçürüblər.

Onların Bakıda yerləşən “AgBank”-da xidməti otaqları da olub.

Təqsirləndirilən şəxslər Cinayət Məcəlləsinin 193-1.3.2-ci (cinayət yolu ilə əldə edilmiş pul vəsaitlərini və ya digər əmlakı leqallaşdırma, külli miqdarda törədildikdə), 320.1 və 320.2-ci (rəsmi sənədləri, dövlət təltiflərini, möhürləri, ştampları, blankları saxtalaşdırma, qanunsuz hazırlama, satma və ya saxta sənədlərdən istifadə etmə) maddələri ilə ittiham olunurlar.


Müəllif: Hacı Zeynalov