Bakının Suraxanı rayonunda orta məktəbin həyətində bıçaqlanma olub.
Teleqraf.com xəbər verir ki, rayonun Yeni Günəşli qəsəbəsi ərazisində yerləşən 282 saylı orta məktəbdə 2002-ci il təvəllüdlü Samir Fətullayev 2004-cü il təvəllüdlü Rahib Babayevi bıçaqlayıb.
Xəsarət alan Rahib Babayev xəstəxanaya yerləşdirilib, ona tibbi yardım göstərilib.
Məlum olub ki, orta məktəbin 8-ci sinfində oxuyan Rahib Babayev ondan arxada gedən iki qıza yol verməyib. Onun qızlara yol verməməsi 10-cu sinif şagirdi olan Samir Fətəliyevin xoşuna gəlməyib.
Məktəblilər arasında mübahisə sonda qanlı cinayətlə nəticələnib.
Faktla bağlı cinayət işi başlanıb.