Sabunçuda qadına qarşı 70 manatlıq quldurluq

Bakının Sabunçu rayonunda quldurluq hadisəsi baş verib.

Teleqraf.com xəbər verir ki, rayon ərazisisində naməlum şəxs Bakı şəhər sakini olan bir qadının qarşısını kəsib. Həmin şəxs özündə olan bıçaqla qadına hədə-qorxu gələrək, onun içərisində 70 manat, mobil telefon və sənəd olan çantasını alıb.

Sabunçu rayon Polis İdarəsinin 14-cü polis bölməsi əməkdaşlarının keçirdikləri əməliyyat tədbirləri nəticəsində quldurluğu törətməkdə şübhəli bilinən paytaxt sakini Nicat Əhmədov tutulub. Ondan 2,710 qram heroin götürülüb.