12 Yanvar 2018 19:11
1 829
12 Punto 14 Punto 16 Punto 18 Punto

Bakının Qaradağ rayonunda qətl baş verib.

Teleqraf.com xəbər verir ki, Ələt qəsəbəsindəki parkların birində tüfeyli həyat tərzi keçirən Saleh İsayev sərxoş halda, kəllə-beyin xəsarəti ilə xəstəxanaya yerləşdirilib.

Həkimlərin səyinə baxmayaraq onun həyatını xilas etmək mümkün olmayıb. Bu barədə Qaradağ rayon Polis İdarəsinin 11-ci polis bölməsinə məlumat verilib.

Faktla əlaqədar Cinayət Məcəlləsinin 124-cü (ehtiyatsızlıqdan adam öldürmə) maddəsi ilə cinayət işi başlanılıb.

Qaradağ rayon Polis İdarəsi və 11-ci polis bölməsi əməkdaşlarının istintaq və əməliyyat-axtarış tədbirləri nəticəsində hadisəni münaqişə zəminində törətməkdə şübhəli bilinən Ələt qəsəbə sakini Azər Həsənov müəyyən edilib və o, saxlanılaraq istintaqa təhvil verilib.


Müəllif: Hacı Zeynalov