17 Mart 2018 23:59
973
12 Punto 14 Punto 16 Punto 18 Punto

Gəncə şəhərində avtomobillərdən oğurluq edən şəxslərin tutulması üçün əməliyyat keçirilib.

Teleqraf.com xəbər verir ki, Nizami rayon Polis İdarəsi əməkdaşlarının əməliyyat-axtarış tədbirləri nəticəsində fevralın 21-də və 26-da şəhər sakinləri Hafiz Mansurovun mobil telefonunu və Akif Qurbanovun “VAZ-21013” markalı avtomobilindən akkumulyator oğurlamaqda şübhəli bilinən şəhər sakini Mayıl Həsənov saxlanılıb.

Onun bu əməlləri birlikdə törətdiyi daha 2 nəfər - şəhər sakinləri Nicat Cəlilov və Möhsüm Tağıyev də saxlanılıblar.

Onların cari ilin fevral ayından mart ayının 12-dək olan müddətdə şəhər ərazisində 17 avtomobildən akkumulyator, maqnitofon və mobil telefon oğurladıqları müəyyən edilib.

​Faktla bağlı cinayət işi başlanılıb.


Müəllif: Hacı Zeynalov