Taleh Bağırovun apelyasiya şikayəti təmin edilmədi

Nardaran hadisələrinə görə həbs edilən “Müsəlman Birliyi” adlı təşkilatın sədri Taleh Bağırovun cəzasının artırılması ilə bağlı məhkəmə hökmündən verilən apelyasiya şikayəti üzrə proses başa çatıb.

Teleqraf.com xəbər verir ki, bu gün Bakı Apelyasiya Məhkəməsində hakim Həsən Əhmədovun sədrliyi ilə baş tutan prosesdə Taleh Bağırov apelyayasiya şikatəti üzrə qərar elan edilib.

Qərara görə, apelyasiya şikatəti təmin edilməyib.

Qeyd edək ki, Qaradağ rayon Məhkəməsinin hökmü ilə Taleh Bağırovun 20 illik cəzasından qalmış 17 il 9 ay 13 gün yeni cəza ilə birləşdirilib.

Məhkəmə Taleh Bağırovun cəzasını artıraraq, ona 18 il həbs verib.

İttihama görə, ötən il iyulun 31-də Qobustan həbsxanasında ilahiyyatçının üzərindən yeddi ədəd “microSD” tipli yaddaş kartları aşkar edilib.

Taleh Bağırova qarşı Cinayət Məcəlləsinin 317-2-ci (cəzaçəkmə müəssisəsində və ya istintaq təcridxanasında saxlanılan şəxs tərəfindən qadağan olunmuş əşyaların hazırlanması, saxlanması) maddəsi ilə ittiham irəli sürülüb.

Qeyd edək ki, 2015-ci il noyabrın 26-da baş vermiş Nardaran hadisələrində təqsirləndirilərək həbs olunan “Müsəlman Birliy”i Təşkilatının rəhbəri Taleh Bağırov Bakı Ağır Cinayətlər Məhkəməsində mühakimə olunub.

Məhkəmənin hökmü ilə Taleh Bağırov 20 il müddətinə azadlıqdan məhrum edilib.

Taleh Bağırov cəzazını 7 ilini qapalı rejimdə çəkəcək.