Hacıqabul sakini həmyerlisini bıçaqladı

Hacıqabul rayonunda bıçaqlanma hadisəsi baş verib.

Bu barədə Teleqraf.com-a Hacıqabul rayon Polis Şöbəsindən məlumat verilib.

Məlumata görə, hadisə rayonun mərkəzində qeydə alınıb. Rayon sakini Pərvin Həmzəyev münaqişə zəminində həmyerlisi Naməddin Rəhmanova bıçaqlayıb. O, ağır vəziyyətdə xəstəxanaya yerləşdirilib.

Polis əməkdaşlarının keçirdikləri əməliyyat-axtarış tədbirləri nəticəsində Pərvin Həmzəyev tutulub.

Hacı Zeynalov