30 Aprel 2014 10:14
2 183
12 Punto 14 Punto 16 Punto 18 Punto

Gəncə şəhərində iki yaşlı uşağı avtomobil vurması ilə nəticələnən yol nəqliyyat hadisəsi baş verib.

Bu barədə Teleqraf.com-a Gəncə şəhər Baş Polis İdarəsindən məlumat verilib.

Məlumata görə, hadisə şəhərin Zərdabi küçəsində qeydə alınıb. 2012-ci il təvəllüdlü Ömər Əliyevi evlərinin qarşısında olan yolda 31 yaşlı Bəhruz Quliyevin idarə etdiyi “VAZ 2107” markalı avtomobillə vurulub.

Azyaşlı ağır xəsarətlə xəstəxanaya yerləşdirilib. Məlumata görə, 2 yaşlı uşaq valideynlərinin xəbəri olmadan küçəyə çıxıb və nəticədə avtomobillə vurulub.

Faktla bağlı araşdırma aparılır.

Hacı Zeynalov


Müəllif: