15 İyul 2015 12:31
1 782
12 Punto 14 Punto 16 Punto 18 Punto

Hadisəyə səbəb elektik naqillərində yaranmış qısaqapanma olub.

"Abşeron" musiqi qrupunun solisti Şəhriyar Məhərrəmovun evi yanıb. ANS PRESS-in məlumatına görə, ifaçının Kürdəmir rayonu Yenikənd qəsəbəsində yerləşən atasına məxsus ev alışıb. Hadisəyə səbəb elektik naqillərində yaranmış qısaqapanma olub. Xoşbəxtlikdən hadisə zamanı evdə heç kim olmadığından insan tələfatı olmayıb.

"Mən Türkiyədə dincəlirdim, mənə xəbər gəldi ki, evimiz yanıb. Bir gün sonra gələ bildim. O evdə atam, anam və bacım yaşayırdı. Gəlib gördüm ki, külə dönmüş evimizin həyətində oturublar. Hər şey yanıb, evdən 1 corab belə çıxara bilməyiblər".


Şəhriyar Məhərrəmovun külə dönmüş ata evi


Şəhriyar Məhərrəmov ANS PRESS-ə açıqlamasında hazırda ailəsinin acınacaqlı vəziyyətdə olduğunu söyləyib. "Vəziyyət çox acınacaqlıdır, onlarla heç kim maraqlanmır. Atamın protez dişləri belə yanıb. Yaşlı adamdır, o gündən bəri normal qidalana bilmir. Atam 35 ildir müəllim işləyib. Halal pulla qurduğu ev bir neçə dəqiqə içində külə döndü. İcra başçısı Ceyhun Cəfərovun qəbulunda olduq. Lakin o bizə "kimə istəyirsiz deyin, biz sizə heç bir kömək edə bilmərik" - dedi. O evi 5000 manata qurmaq mümkün olsaydı, heç kimdən kömək istəməzdik. Amma buna böyük məbləğ lazımdır. Biz demirik ki, bizə ev tikib versinlər, ancaq müəyyən köməklik olmalıdır ki, biz bu vəziyyətdən çıxaq. Ailədə yeganə işləyən atamdır, 170 manat maaş alır. Mən sənətçi adamam, məşhur deyiləm ki, toylardan pul qazanım. Hazırda Sosial Müdafiə Fondunda qəbuldayam".


Şəhriyar Məhərrəmovun külə dönmüş ata evi


Onun sözlərinə görə, iki ay öncə evin naqillərinin bərbad vəziyyətdə olması və yenilənməsi üçün aidiyyatı qurumlara rəsmi şəkildə müraciət edib. Lakin müraciətinə heç bir reaksiya verilməyib.



"Abşeron" musiqi qrupunun solisti Şəhriyar Məhərrəmov


Müəllif: