Qaradağda baş verən qəzada 5 yaşlı uşaq xəsarət alıb

Bakının Qaradağ rayonunda azyaşlının xəsarət alması ilə nəticələnən yol qəzası olub.

Teleqraf.com xəbər verir ki, hadisə rayonun Sahil qəsəbəsində qeydə alınıb.

Məlumata görə, müəyyən edilməmiş avtomobillə Bakı şəhər sakini, 5 yaşlı Nuran Əli vurulub. Azyaşlı xəstəxanaya yerləşdirilib.

Faktla bağlı Qaradağ Rayon Polis İdarəsi tərəfindən əməliyyat-axtarış tədbirləri aparılır.

Hacı Zeynalov