Ermənistan Rusiyadan 100 milyonluq silah alır – Təsdiqləndi

12 Oktyabr 2017 15:32 (UTC+04:00)

Rusiya ilə 100 milyon dollar dəyərində kredit sazişinin imzalanması barədə Ermənistan Nazirlər Kabinetinin iclasında təklif irəli sürülüb.

Teleqraf.com xarici mediaya istinadla xəbər verir ki, təklifə əsasən, Ermənistan Maliyyə naziri Vardan Aramyan Rusiya tərəfi ilə saziş imzalamalıdır.

Müqavilədə göstərilən məbləğ Ermənistan ordusunda Rusiya istehsalı olan hərbi təyinatlı məhsulların tədarükünə yönəldiləcək.

Təklifdə kreditin 15 il (2023-2037-ci illər) müddətinə 3 faizlə verilməsi nəzərdə tutulur.