Əməkdar artist Vaqif obrazında – FOTOSESSİYA

“Vaqif” operası Opera və Balet Teatrında yeni quruluşda təqdim olunacaq. Tamaşada Vaqif obrazını ilk dəfə olaraq teatrının solisti, əməkdar artist Ramil Qasımov ifa edəcək.

Bunu Teleqraf.com-a açıqlamasında Ramil Qasımov deyib: “Bu obrazı ifa etmək mənim üçün şərəfdir. Təbii ki, bunu gerçəkləşdirmək böyük əzmlilik, eyni zamanda məsuliyyət tələb edir. Çalışacağam ki, mənə olan etimadı Ramiz Mustafayev sənətini sevənlərin, eyni zamanda, klassik musiqiyə dəyər verən tamaşaçılar qarşısında doğruldum. Bu günlərdə “Vaqif” operasından mənim ifamda Vaqifin ariyasının klipini də hazırlamışıq. Məqsəd Azərbaycan klassik musiqisinin bugünkü nəslə təbliğidir”.

Səməd Vurğunun eyniadlı dramı əsasında yazılan operasının müəllifi bəstəkar Ramiz Mustafayevdir.

Tamaşa Ramiz Mustafayevin 90 illik yubileyi ərəfəsində - noyabrın 26-da nümayiş olunacaq.

Tamaşanın quruluşçu rejissoru Hafiz Quliyev, quruluşçu dirijoru Cavanşir Cəfərovdur.

Tamaşada baş rollarda Ramil Qasımov, İlahə Əfəndiyeva, Fərid Əliyev və başqaları çıxış edəcək.

Nərmin