Musiqili Teatrda “Şekspir” nümayiş olunacaq

Musiqili Teatr 107-ci mövsümün ilk dörd ayı üçün repertuar planını açıqlayıb.

Teatrın mətbuat xidmətinin rəhbəri Samir Sədaqətoğlu Teleqraf.com-a açıqlamasında bildirib ki, Bədii Şuranın geniş və açıq iclasında ilin sonuna qədər olan müddət üçün teatrın repertuar və iş planı təsdiqlənib.

Nəzərdə tutulan müddət ərzində teatrın repertuarında olan 25-ə yaxın tamaşa təqribən 70 dəfə nümayiş etdiriləcək.

Cari ilin sonuna qədər bir neçə premyeranın keçirilməsi də nəzərdə tutulur. Sentyabr ayında II Şəki Beynəlxalq Teatr Festivalı çərçivəsində İstanbul Bələdiyyə Teatrının “Şekspir” (Elçin) tamaşası da Musiqili Teatrda nümayiş olunacaq.

İlin sonuna kimi Musiqili Teatrda xalq artisti Nəsibə xanım Zeynalovanın anadan olmasının 100 illik yubileyi keçiriləcək. Noyabr ayında isə Dövlət Musiqili Teatrının “Teatr və multikulturalizm” mövzusunda IV Beynəlxalq Teatr Konfransına ev sahibliyi etməsi nəzərdə tutulur.

Nərmin