Alim Qasımov Almaniyada konsert verib

Xalq artisti, xanəndə Alim Qasımov Almaniyada keçirilən Morgenland Festivalında konsert proqramı ilə çıxış edib.

Teleqraf.com xəbər verir ki, ötən gün baş tutan konsert proqramında xanəndə fransız musiqiçi Mişel Qodardla səhnəni bölüşüb.

Konsert zamanı onları kamança ifaçısı Rauf İslamov və Salman Qəmrəbov müşayiət edib.

Osnabruk şəhərində keçirilən festival 2005-ci ildən bəri hər il keçirilən festivallardan biridir. Festival çərçivəsində musiqi konsertlərindən əlavə teatr, rəsm və sənətin digər növlərini əhatə edən tədbirlər də keçirilir.

Pərvin