Vaqif Mustafazadəyə həsr olunan film təqdim olunacaq

Sabah Nizami Kino Mərkəzində Mədəniyyət və Turizm Nazirliyi ilə BP Azərbaycan şirkəti tərəfindən virtuouz caz ifaçısı Vaqif Mustafazadəyə həsr olunmuş “Mənim tanıdığım Vaqif” tammetrajlı sənədli filmi təqdim ediləcək.

Teleqraf.com xəbər verir ki, sənədli film Azərbaycanın və dünyanın dahi caz ustalarından biri olan və musiqi sənətində yeni bir janrın - caz-muğamının banisi Vaqif Mustafazadənin xatirəsinə həsr edilib. Filmdə onun həyatının bəzi epizodları anılıb və digər məşhur musiqiçilərin Azərbaycanın dünyaca məşhur bu caz ifaçısı haqqında düşüncələri lentə alınıb.

Film Vaqif Mustafazadənin müasirləri olan və onun sənət irsinə və şəxsiyyətinə sevgi və rəğbət bəsləyən Rusiya, Gürcüstan, Estoniya, Polşa və Amerika caz ustalarının xatirələri üzərində qurulub.

Nərmin