“Qırmızı bağ”ın Avropa premyerası baş tutdu

Mirbala Səlimlinin “Qırmızı bağ” bədii filminin Avropa premyerası Almaniyada keçirilib.

Teleqraf.com xəbər verir ki, nümayiş 65-ci Manhaym-Haydelberq Beynəlxalq Film Festivalının müsabiqə proqramı çərçivəsində baş tutub. Manhaym və Haydelberq şəhərlərində təşkil olunan nümayişlərdə rejissor Mirbala Səlimli də iştirak edib.

Azərbaycan və Rusiyanın birgə istehsalı olan film Mədəniyyət və Turizm Nazirliyinin dəstəyi ilə Cəfər Cabbarlı adına “Azərbaycanfilm” kinostudiyasında və Rusiyanın “WeiT Media” kino şirkətində lentə alınıb. Filmdə baş rolları aktyorlar Maqsud Məmmədov, Gülzar Qurbanova, Taleh Bədiyev və digərləri canlandırıblar.

Ekran əsərinin ssenari müəllifi Mirbala Səlimli, quruluşçu operatoru Maksim Drozdov, quruluşçu rəssamı Leonid Karpov, bəstəkarı Salman Qəmbərov, icraçı prodüserləri Tofiq Musayev, Timur Cəfərov, Nazim Hüseynov, prodüserləri Müşfiq Hətəmov və Timur Vaynşteyndir.

Nərmin