Tale - bir küncdə qalıb, əlləri qoynunda - Fikrət Sadıq

Teleqraf.com mərhum Fikrət Sadığın "Əlləri qoynunda" şeirini təqdim edir:

İndi, hər çətin iş görülür pulla,
Tale - bir küncdə qalıb,
əlləri qoynunda.

Yaxşının bəxti yaman gətirib.
Əla - bir küncdə qalıb,
əlləri qoynunda.

Eləni elə şişirdiblər ki,
Belə - bir küncdə qalıb,
əlləri qoynunda.

İnsana zülm edən elə insandır
Bəla - bir küncdə qalıb,
əlləri qoynunda.